Tiempo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O tiempo (d'o latín < TEMPUS)^[1] ye a magnitut fisica que mide a durada u deseparación d'escaicimientos subchectos a cambeo, d'os sistemas subchectos a observación, isto ye, o periodo que pasa entre o estato d'o sistema cuan iste aparentaba un estato X y l'inte en que X rechistra una variación perceptible ta un observador (u aparato de mesura). Ye a magnitut que permite ordenar os succesos en secuencias, establindo un pasato, un present y un futuro, y que creya un prencipio de causalidat, un d'os axiomas d'o metodo cientifico.

A suya unidat basica en o Sistema Internacional d'Unidaz ye o segundo, que tien como simbolo s (debito a que ye un simbolo y no una abreviadura, no se debe escribir con mayuscla, ni como "seg", ni anyadendo un punto posterior). O sistema d'horas y menutos emplegato a ormino en a vida cutiana se basa en o segundo: un menuto son 60 segundos, y una hora 60 menutos. A unatro ran, o calandario s'estructura en días, meses, y anyos.

1. ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.435